Bru lâk lêt dan tur Delhi-ah sawiho

Tripura refugee camp-a Mizoram mi Bru-te Mizorama lak let tur ngaihtuah tura din, Joint Monitoring Group (JMG) chu October 10, 2016 tlai dar 4 khan New Delhi-a Ministry of Home Affairs (MHA) conference hall-ah an ṭhukhawm a; Mizorama Bru lak let dan tur an rel.

Meeting hi MHA special secretary (internal security) MK Singla-a'n a kaihruai a, joint secretary Satyendra Garg-a'n a ṭawi-
awm.

Mizoram aṭangin Home department-a additional secretary Lalbiakzama, Home OSD David H Lalthangliana leh Central YMA aiawhin vice president Vanlalruata te an tel a; Tripura sorkar
aṭangin offcial pahnih leh Mizoram Bru Displaced People Forum aiawhin A Sawibung leh Bruno Msha-te an tel bawk.

Meeting-ah hian, Bru lak letna tura Mizoram sorkarin November 2016 a ruahman chu tihhlawhtlin ngei MHA-in ṭul a tih thu te, Tripura-a Bru camp chu kal reng thei a nih loh thu te, Mizorama an lêt duh lo a nih pawhin ṭanpuina chu tihtawp a nih mai tur thute leh, Bru let duhte ṭanpuina tur sum zat tihchian theih a la ni lo chu tihchian thuai a ṭul thute sawi lan a ni.

Tripura refugee camp aiawhte thil phût tam takte chu tihhlawh-tlin âwm a nih leh nih loh
sawiho a ni a; thutlukna siam a ni lo.

Joint Monitoring Group hian ṭhutkhawm leh thuai an tum a ni.