Heroin gram 65 man a ni

Excise & Narcotics department (END) leh Central YMA hnuaia SRS-te chuan, October 9-10, 2016 chhung khan heroin gram 65 an man a; ruihhlo neitute chu NDPS Act, 1985 tlawhchhanin thubuai siamsak an ni.

END enforcement-te chuan October 9 zan dar 6:20 khan Falkland Vengah heroin gram 50 leh a neitu nia hriat mi pahnih - C Laldingliana (36) s/o C. Lalthanzauva, Falkland Veng leh Ngunsuilianthanga (45) s/o Ralsuma, Pathangkhan, Falam, Myanmar, Falkland Venga khawsa mek nia inchhálte an man.

Champhaia END mite pawhin October 9 vek tlai dar 3 khan New Champhaiah heroin gram 15 leh a neitua puh - Malsawmtluanga (28) s/o Denghnuni, Electric Veng, Champhai an man bawk.

October 10 chawh-hnu dar 1:30 khan END leh SRS-te ṭangrual-in Dawrpui Vengtharah heroin gram 169 leh a neitua puh - Lalthangmawii (40) d/o Ṭhatinzuala (L), Khawzawl Venglai; Lalremruata (27) s/o Hmingthianghlima, Damveng leh, Chung-liana (40) s/o Hrimthang (L), Trawphila, Kalemyo, Myanmar nia inchhalte an man bawk a ni.