Mi pathumin hming pe lut

October 31 a Dawrpui Vengthar local council by-election neih turah seat khat chuh turin mi pathumin hming an pe lut. Hming pek luh hun hi Thawhṭanni khan a tawp.

Thudawn danin, LC chuh tura hming pe lutte hi Aldrin Zosangliana (Congress), Robert Zosangliana (MNF) leh P Rohmingliana (BJP) te an ni a, an hming pek luhna lehkha chu vawiin hian endik a ni ang. Inhnukdawk duhte tan October 13 chawhma dar 13 thleng hun hawn a ni.

Dawrpui Vengtharah hian an local council member pakhat chu May 25, 2016 khan a thih avangin by-election hi neih a ngai a ni.