Ruihhlo zawng an tlem ṭan

Inkhârkhip kalpui a nih hnuah Vairengte aṭanga Assam lama ruihhlo zawn tum mi eng emaw zat an awm ṭhin a, tun hnaiah erawh chuan ruihhlo zawng an tlahniam deuha hriat a ni. Vairengte aṭanga thu dawn danin, ruihhlo zawngte chuan ramhnuai aṭangin Assam an pan ṭhin a, chu'ng mite chu village task force leh Excise & Narcotics department lamin an châng ṭhin; 

Assam kal tum leh Assam aṭanga rawn lut mi eng emaw zat an man tawh. April 13, Thawhṭanni khan Vairengte aṭanga Assam lama kal tum an dahna hmun, Golgotha aṭanga tlân chhuaka Assam pan tum man a ni a, Golgotha-ah dah leh a ni. Thawhṭanni vêk khan Assam thleng hman ngeia hriat man a ni a, khung hran tura thawn a ni. Niminah ruihhlo zawng man an awm lo thung.