Hmanrua siamtute kaihruaitu tur committee thar din

Chief secretary Lalnunmawia Chuaungo kaihhruai State Executive Committee chuan Disaster Management Act, 2005 Section 24(1) tlawhchhanin April 13, Thawhṭanni  khan Committee for Promotion of Locally Manufactured Protective Gears a din.

Committee-ah hian chairman chu Planning secretary Dr C Vanlalramsanga a ni a, secretary chu Commerce & Industries director J Hmingthanmawia a ni. Covid-19 dona hmanrua tualchhunga siam - hmai tuamna, kawrfual (personal protective equipment) leh thil 

dangte siam kawngah hma a la dawn a; Health & Family Welfare department leh Task Group on Medicine & Medical Equipmentste nena inráwna hma la tur leh Chief Secretary hnenah leh State Control Room-ah ni tin tlai dar 3-a report pe tura hriattir an ni.