Ek-in ni loa inthiar awmlohnaah khaw 4 puang

Champhai district-a khawpui pali - Champhai, Khawzawl, Khaw-hai leh Biate-te chu êk-in ni loa inthiar awm tawh lohna khua, open defecation free (ODF)-ah puan a ni.

Khawpui palite hi September 23, 2016 khan ODF atan puan lailawk a ni tawh a; ODF kaihhruainain a phût angin, puan lailâwk aṭanga ni 15 chhung sawisel duh neite tan hun hawn a ni a, sawiselna a awm lo. Sawiselna a awm loh avangin Champhaia UDPA office chuan nimin khan khaw palite hi ODF atan a puang a ni.

ODF atana puan a nih hnu hian state level
aṭangin endiktu tur tirh a ni dawn a, sorkar laipuiin a pawm hunah official-a puan leh a ni ang.