Mizoramah Covid-19 kai la awm belh lo

April 13-14 chhung khan Zoram Medical College (ZMC) Covid-19 Testing Laboratory-ah rinhlelh damlo mi palite swab sample endik a ni a, Covid-19 an kai lo vek tih fi nfi ah a ni. Mizorama Covid-19 screening point hrang hrangah nimin tlai dar 5 thleng khan mi 66,173 enfi ah a ni tawh.

ZMC-State Referral Hospital Bulletin nimin tlaia chhuakin a tarlan danin, State Referral Hospital-ah hian nimin khan Covid-19 kai rinhlelh damlo mi pahnih dah luh an ni a, swab sample pawh endik nghal niin, an kai lo tih hriat a nih hnuah damlo pakhat chu chhuahtir lehnghal a ni a, pakhat erawh chu SARI Ward-ah a awm rih. Thawhṭanni pawh khan damlo pahnih dah luh an ni a, swab sample test-ah Covid-19 an kai lo tih fi nfi ah a nih hnuah Thawhṭanni vêk khan chhuahtir an ni. Covid-19 kai palh theih vanga swab sample endik tawh zawng zawng chu mi 81 an ni a, chu'ng zinga pahnih chu nimina endik a ni.

ZMC aṭanga swab sample endik tawh mi 22 an awm. Covid-19 kai rinhlelh State Referral Hospital-a dah luh tawh zawng zawng chu mi 22 an ni a, mi pahnih la awm mekin, mi dang zawng chu an chhuak leh tawh a ni. Hetih lai hian, Mizoram ramria Covid-19 screening point hrang hranga nimin tlai dar 5 thlenga enfi ah tawh mi 66,173 awmin, chu'ng zinga mi 167 chu nimina enfi ah an ni.

Khung hran (quarantine) tawh mi 2,702 an awm a, chung zinga mi 2,449 chu mahni ina inkhung hrang an ni a, mi 253 chu quarantine facility-a khung hran niin, nimina dah thar mi 15 an awm.