KHAWTHLIR

CM leh CRPF hotu

Chief minister Lalduhoma chuan nimin khan a pisaah Central Reserve Police Force (CRPF) NE Zone additional director Raja Srivastava a kâwm a, Mizorama CRPF hnathawh dan a sawipui. CM chuan, Mizoramah CRPF-te'n ram venhimna leh mipui tana hna ṭha tak tak an thawh ṭhin avangin a lawm thu a sawi a, theihtawp chhuahpui zel turin a sáwm. Raja Srivastava pawhin, ram venhimna leh dan bawhchhiatna donaah Mizoram sorkar thawhpui tura an inpeih reng thu a sawi bawk.

Kawng khâr dawn

Vawiin aṭangin Ṭhuampui leh Selesih inkar kawng siam a ni dawn a, Selesih aṭanga siam ṭan tur niin, hei vang hian vawiin aṭanga May 17, 2025 thleng ni tin zing dar 8 aṭanga tlai dar 5 inkarah lirthei tlan theih a ni dawn lo.

Naupang himna

Mizoram State Commission for Protection of Child Right chairman Jimmy Laltlanmawia chuan nimin khan Kolasib a tlawh. Kolasib DC conference hall-ah bawrhsap Robert C Lalhmangaiha kaihhruaiin naupang himna chungchang an sawiho.