Champhai Keilungliah tuikhuah tihhmasawn zel dan tur sawiho

Champhai bawrhsap Mohammad Aaquib hoin May 6, Thawhlehni khan Clover Organic, Dehradun hotute nen Keilungliah tuikhuah chu sangha khawi tihhmasawnna leh tui harsatna sukiang tura tihchangtlun dan tur sawiho a ni a; Keilungliah an tlawh nghal bawk.

Keilungliah sawihona leh tlawhnaah hian Clover Organic aṭangin chief executive officer Sanjay Aggarwal, director Pinky Aggarwal, vice president Sanjay Kumar leh manager Anushka Hatwal te an tel a; Mizoram sorkar aṭangin Champhai DFDO Lalremsangpuii, PHE SDO Zothansanga leh junior engineer Kaleba Lalhruaizela te an tel.

Clover Organic hian kum 16 chuang Mizoramah organic agriculture an kalpui tawh a, sangha khawi lamah huang zauhin, sangha khawi lam ṭanpui turin hma an la mek. Thawhhona ṭha taka hnuaiah mipui leh loneitute tan Keilungliah tuikhuah enkawl dan kawng a awm an beisei thu an sawi.