Mi 4,515-te ṭanpui dilna pawm

Aizawl District Screening Committee on Pradhan Mantri Awas Yojana (PMAY) - Housing for All (Urban) chu, nimin khan NLUP Implementing Board (NIB) conference hall-ah UDPA minister Zodintluanga hoin an ṭhukhawm a; Aizawl khawpuia khawsak harsa chhungkaw 4,515-in in sak ṭanpuina an dilna an pawm.

UDPA Minister chuan, PMAY-HFA ṭanpuina dilna lak khawm leh enfiahna (data collection leh verification)-te chu specialist-te’n uluk leh chîk taka a hmuna an endik hnuah a dawng âwm tak tak chauh ‘computerised selection’-in ṭanpuina hi pek an nih thu a sawi a, “Chhungkaw heti zatin chenna in an sa thei tur hi thil lawmawm tak a ni,” a ti.

Meeting chuan, Aizawl district chhunga census town pathum – Darlawn, Sairang leh Saitual-te chu PMAY-HFA (Urban) hnuaia chak zawka kalpui an remti.

Meeting hi UDPA direc-tor Zorammuana’n a kaihruai a; Aizawl khaw----
pui chhunga MLA - R Romawia, Lal Thanzara, Lal-than-liana, Vanlal-zawma leh Lalruatkima, AMY mayor PC Lal-hming-thanga bakah, bank hotute an tel a ni