Serchhip MJA-te'n Thenzawl an tlawh

Mizoram Journalists Association, Serchhip district member-te chuan an din champha vawi 16-na pualin nimin khan Thenzawlah Green Mizoram Day puala Aizawl-Thenzawl-Lunglei kawngpui kama thing ṭiak an phun te, National Bamboo Mission hnuaia Central Bamboo Nursery leh Thenzawla Deer Park-te an tlawh.

MJA member-te hi Thenzawl DFO Lallianzuala leh range officer C Lalkhawthanga ten an ṭawiawm a; kumin Green Mizoram Day puala World Bank Road kawngpui kama Forest department bultuma sorkar department leh pawl dang 19-in thing
ṭiak 465 an phun an enfiah. Thing ṭiak phun 465-te chu a nung vek a, uluk taka enkawl a nih thu leh a puitlin thlenga enkawl zui chu a phuntu agency-te kuta dah a nih thu DFO Lianzuala'n a sawi.

Serchhip district MJA-te tarlan danin, Deer Park, Thenzawlah sazuk 20 chuang awm
ṭhin mah se, kum 2013-ah 10 vel an tlan chhuah avangin an bo hlen a, tun-ah chuan sazuk puitling 12 leh a notê pathum, a vaiin 15 a awm mek.

Serchhip district-ah hian kum 2000-ah Ser-chhip District Journalists Association (SDJA) a ding ṭan a, kum 2007-ah Mizoram Journalists Association-ah an in-chhûng lut a; member 15 an awm mek a ni.