Planetarium sakna hmun tur tlawh

Lunglei Zohnuaia Digital Planetarium sakna tur hmun chu nimin khan parliamentary secretary Joseph Lalhimpuia'n a tlawh a, ram dinhmun a enfiah. Planetarium hi cheng nuai 350 sênga sak tum a ni.

Joseph Lalhimpuia chuan, digital planetarium chu North Eastern Council kaltlanga sak tur a nih thu sawiin, "Science & Technology department-in DPR siamin an thehluh tawh. Zohnuai khaw-tlang hruaitute leh zirtirtute inpekna leh ṭhahnemngaihna vanga hetiang thil hi he lai hmunah hian ruahman theih a ni," a ti.

Scietific officer Lalramchhuana sawi danin, digital planetarium hi arsi pian (shape) anga sak tur a ni a, ṭum khatah mi 60-in an en theih tura ruahman a ni. Planetarium sakna tur hmun hi Zohnuai High School leh Zohnuai Primary School-II ten ram an pek a ni.