Lei hawn thuai duh

South Vanlaiphai VC leh tlawmngai pawl hrang hrang hruaitute chuan, nimin khan Darzokai, Chhimtuipui-a motor kal theihna tura lei dawh zawh tawh chu hawn thuai dan ngaihtuah turin thuneitute an ngen.

Meeting neih hnua thuchhuah an siamah South Vanlaiphai VC leh tlawmngai pawl hrang hrang hruaitute chuan Mizoram sorkar leh bialtu MLA John Siamkunga hmalakna zara Tuipui lei, Darzokai-a dawh a ni chu lawmawm an tih thu sawiin, "Lei dawh tura rawih contractor-in lei a dawh zawh tawh hnuah he lei hi mihring leh lirthei kal theih lohin pin tlat a la ni," a ti.

South Vanlalphai khawtlang hruaitute chuan lei chu hmanhmawh thil thua damlo phurh nante leh nitin khawsakna mamawh lakluh nante Tuipui ral mipuiten he lei hi hman thuai an duh thu an sawi.