Covid-19 vei Mizo doctor thi

Dr John L Sailo (69), Shillong chu nimin zing dar 2:30 khan a thi. Dr John L Sailo hian April 13, 2020 khan Covid-19 a kai tih hmuh chhuah a ni. Shillong aṭanga thu dawn danin, Dr John Sailo hi zunthlum a neih vanga inenkawl mek a ni a, Covid-19 a vei tih April 13 tlaia fi nfi ah a nih hnuah a dinhmun a ṭha lo zual a, nimin zing khan a thi.

Dr John Sailo hi Shillong leh Nongpoh-a Bethany Hospital dintu leh neitu a ni a, a pa chu Capt. Lalrinthanga Sailo (L) niin, a nu chu Diki Sailo (L) a ni. MBBS, MD (AIIMS), FCCP a ni a, Bethany Hospital-ah Director  & Consultant Internal Medicine hna a chelh mek. An chhungkuain Shillong khawpuia Nongrim Hills-ah ancheng a ni.