State Consumer Council ṭhukhawm

May 8, Ningani tlai khan Secretariat conference hall-ah consumer-te dikna chanvo humhalhna tur ngaihtuahin, State Consumer Protection Council chu Food, Civil Supply & Consumer Affairs (FCSCA) minister B Lalchhanzova hoin an ṭhukhawm.

B Lalchhanzova chuan, mi tin consumer an nih vek avangin consumer-te dikna chanvo humhalh leh consumer-te chanvo palzûtna thleng tur ven chu mi tin mawh a nih thu a sawi a, "Hemi kaihhnawiha dan leh thupek awmte chu ennawn fo a pawimawh a, a kenkawh kawngah ṭanrual a ṭul," a ti.

Ṭhutkhawmah hian kawtkaia LPG deli-very service pek theihna hmun huam zautir dan tur te, MIZOFED petrol pump, Treasury Square chhehvela dan loa petrol zuar ṭhin titawp tura hmalak dan tur te, dan loa hmun hrang hranga sumdawnna titawp tura hmalak dan tur te, consumer lungawi lohna chinfel dan sawt zawka kalpui dan turte leh Legal Metrology thuam ṭhat dan turte sawiho a ni.