Exam chhunzawm turah lawm

Mizo Zirlai Pawl (MZP) Gen.Hqrs. chuan thuchhuah siamin, Mizoram sorkarin MBSE hnuaia HSSLC Examination 2020 la zawh lohte zawh a nih theih nana exam hun tur a ruahman ta chu lawmawm an tih thu an tarlang. MZP chuan, Covid-19 hri léng vanga Mizoram buai zia leh India ram pumah inkharkhip a nih avangin Mizoram chhung leh páwna zirlai leh hnathawk tangkhang mekte harsatna chinfel tuma sorkarin hma a la chu lawmawm an tih thu an sawi a, "Pawl 12 zirlai exam la zo lo rilru khingbai 

taka awm mekte'n exam an chhunzawm theihna tura ruahmanna a siam ta hi lawmawm kan ti hle. Zirlai mahni khuaa haw, exam tura kal turte harsatna siamsak lo a, thlamuang taka an exam theih nan ṭanpui turin MZP chuan mi tin kan ngen a ni," an ti.