Lungin mi 1 delh hlum

Nimin zing dar 3:30 vel khan Midum Khâm kawngpuia i10 car MZ-01 M-0105 tlân lai chu a chhak lam koa lung tlain a delh a, car khalhtu Lalbiaktluanga (47) s/o D Hnunliana (L), Ramhlun Venglai chu ká chhawn lohin a thi.

Thu dawn danin, car-ah hian Lalbiaktluanga leh a nupui Lalduhawmi an chuang a, Thenzawla kal tur an ni. Midum Khâm kawngpuia an tlân laiin kawng chhaka lung tlain a delh a, Lalduhawmi pawh a ke ruh a tliak a, Sialsuk damdawi-in panpui nghal a ni. Lung tla hian kawngpui a hnawh ping a, nimin vek khan lirthei tlân tlang theihin thenfai a ni.