Taxation service-in badge dum an bel

Mizoram Taxation Service Association (MTSA) chuan, sorkar laipuiin Goods and Service Tax (GST) a lak dan turah lungawi lohna an neih avangin nimin khan lungawi loh lantir nan badge dum an bel.

Thu dawn danin, April 1, 2017
aṭanga India ram puma GST hmanga chhiah lak turah, sorkar laipui leh state sorkarin thuneihna an insem dan tur chu sorkar laipuiin state sorkarte thuneihna tam tak laksak a tum ni-ah All India Confederation of Commercial Taxes (AICCTA) chuan a ngai a, ṭha a ti lo a ni.

AICCTA hian phut neiin lungawi lohna an lantir a; MITSA pawh AICCTA-a inthlung an nih avangin AICCTA hmalakna an thlawp a ni tih lantir nan nimin khan hna an thawhnaah badge dum an bel a ni. MSTA chuan, GST hnuaia thuneihna insem dana sorkar laipuiin ruahmanna a kalpui dan chu Mizoram sorkar leh Mizorama sumdawngte tan thil pawi thei tak a ni dawn niin an tarlang.