AR-in Expedition for Peace an tan

Assam Rifles (AR) chuan October 13, 2016 khan Mizoram chhim lama Parva khua aṭangin 'Expedition for Peace' an ṭan. Expedition hi 1st. AR commandant Col. Bal Bahadur Pun-a'n a vai liam a, Parva mipuiin an thlah liam bawk.

AR Expedition for Peace hi IGAR (East) Expedition Team buatsaih a ni a, ni 27 chhung an huaihawt dawn. Expedition team-ah hian officer pahnih, junior commissioned officer pakhat leh sipai 16 an tel a; Mizoram, Assam leh Tripura-a AR unit hrang hranga mite an ni. Expedition-in a tum chu, remna, inunauna leh faina kawnga mipuite zirtir leh tihphûr a ni.

Expedition team hian Mizoram bakah, IGAR (East) hnuaia state pathum - Mizoram, Assam leh Tripura-te an fang kual dawn a; lawngleng, two wheeler, thirsakawr leh car hmangin an kal dawn a, motor/bike/lawngleng kal theih lohnaah chuan kein an kal dawn ni.