Tui chungchang zirna buatsaih a ni

PHE department hnuai-a Communication and Capacity Devolpment Unit (CCDU) buatsaihin, nimin khan Lunglei leh Siaha-ah 'Grassroot Level Training on Water Quality Monitoring & Suveillance Programme' buatsaih a ni.

Lungleiah chuan training hi YMA, Sub-Headquarters, Lunglei conference hall-ah Lung-lei, Lungsen leh Bunghmun RD Block huam chhunga Village Water & Sanitation Committee-te tan buatsaih a ni. Training hawngtu PHE executive engineer C Lalzidinga chuan, "Tui hi mihring nunna atana thil pawimawh ber a nih avangin mi tinin a ven thiang-hlim dan leh in tlaka awm tura enkawl dan an hriat a ṭul," a ti.

Training-ah hian khaw-tlang tui lakna chung-changa PHE hmalakna leh a enkawl zuina a khawtlang mawhphurhna tih te; tui, sanitation leh hriselna inkungkaih dan tihte leh tui ziarâng leh a endik chung-changte zir a ni.

Siaha-ah chuan IPR conference hall-ah training buatsaih a ni a, mithiamte'n thupui hrang hrang hmangin thu an sawi. Training-ah hian Siaha leh a chhehvel khua
aṭangin village council member leh tlawmngai pawl hruaitute an tel.