YMA Branch 6-in 'Samkhuih Joint Operation' ṭan

Aizawl veng paruka YMA branch ṭangrualin Falkland Veng leh Melthum dáia Zampuimanga lungphun inkâr, Aizawl By-pass Road-a Samkhuih Joint Operation an kalpui tur chu Inrinni chawhnu khan Central YMA vice president Vanlalruata'n a hawng.

Samkhuih Joint Operation hawnna inkhawm hi ITI Veng YMA Hall-ah buatsaih a ni a, Operation chairman Lal-thlamuana Fanai-in a kaihruai.

CYMA Vice President chuan, ruihhlo vangin ṭhalai tam takin nunna an chán tih sawiin, chu chu tihtawp a nih theih nan leh Mizoramah mi tin zalen taka an awm theih nan YMA lo chu thawktu tur an awm lo a, ṭan lak a ṭul hle tih a sawi. Operation hawn zawhah Aizawl By-Pass Road an fang kual nghal.

Samkhuih Joint Operation YMA hi Falkland Veng, Bethlehem Veng, Bethlehem Vengthlang, ITI Veng, College Veng leh Chite Branch YMA-te'n an thlak dawn a ni.