AR-in Peace Expedition an nei mek

Assam Rifles-a Inspector Gene-ral Assam Rifles (East)-in Peace Expedition an kalpui mekah, Inrinni zing khan Expedi-tion Team-te chu 1st. Assam Rifles helipad, Sethlun, Lunglei aṭangin Lunglei HPC vice chairman S Laldingliana, MLA-in a vailiam.

AR Expedition Team-ah hian officer pahnih, JCO pahnih leh unit hrang hranga sipai 16 an tel a, Mizo-ram, Tripura leh Assam-ahte ni kaw chhungin hmun kilkhawr deuh deuh tlawhin, mipui hnenah remna, muan-na, inpumkhatna leh faina chungchang an zirtir dawn a ni.

Mizoram chhung bikah km. 986 an kal dawn a, sikul zirlai te, tlawmngai pawl te, kohhran hruaitu te, sipai báng te, sipai ṭang lai te, district thuneitu te, ṭhalaite leh mipuite an kâwm ang.

Expedition Team hian October 13, 2016 khan India, Myanmar leh Bangladesh inrîna bul, Mizoram chhim tàwp khua Parva, Lawngtlai district aṭangin an chhuak ṭan a, Mizoramah hmâr lam panin an kal.

Inrinni vek khan Serchhip thlengin, Serchhip Hmarvenga Orphanage Home an tlawh a, thilpek an hlan. Zanah 10th. Assam Rifles hmunah cultural programme hman a ni a, Serchhip College zirlaite leh YMA hruaitute nen hun an hmangho a ni.

AR Expedition Team hian nimin zing khan Serchhip chhuah-sanin, Champhai an pan leh a ni.