MP hoin Central sorkar hmalakna enfiah

Aizawl District Development Coordination & Monitoring Committee (Disha) chuan, an chairman Ronald Sapa Tlau, Rajya Sabha MP hoin October 14, 2016 khan Aizawl district-a Disha hmalakna an enfiah a; Assembly deputy speaker R Lalrinawma'n a ṭawiawm.

Aizawl District Development Coordination & Monitoring Committee hian Aibawk RD Block chhunga Ministry of Rural Development hnuaia IWMP, MGNREGS, Swachh Bharat Mission (Gramin) leh IAY scheme hmanga hmalaknate a hmunah enfiah a ni.

Ronald Sapa Tlau chuan, sorkar scheme hrang hranga
ṭanpuina dawngte'n ṭhahnem-ngaihna leh tih tak takna nen an thawh chuan dinchhuahna tham a nih thu a sawi a, "Hmalakna hlawhtling tur chuan mipuiin scheme chungchang an hriat chian a pawimawh a, hmasawnna changtlung tak siam kan tum tlang tur a ni," a ti.

Aizawl District Development Coordination & Monitoring Committee-in an enfiahte chu, Chamring khuaa sawhthing leh aieng chînna hmun te, Hualngohmun khuaa ruahtui khawlna Water Harvesting Tank-te a ni. Hualngohmuna Water Harvesting Tank hian tui litre 1,60,000 a dawng thei a, chhungkua 12-in an ring.

District Development Coordination & Monitoring Committee (Disha) hi sorkar laipuiin July 28, 2016 a din a, sorkar laipui hmalakna hrang hrangte ṭha zawka kalpuia thlunzawm an nih theih nana din a ni.