Mizoram Science Congress khâr a ni

Mizorama science intawhkhawmna lian, Mizoram University-a October 13-14, 2016 chhunga neih chu khâr a ni a, a khârna inkhawmah MZU vice chancellor Prof. R Lalthantluanga khuallian a ni. Kharna inkhawmah hian inelna hrang hranga lawmmante an sem.

Mizoram Science Cong-ress vawi khatnaah hian high school aṭanga university zirlai leh zirtirtu an tel a, inziak lut zawng zawng chu mi 570 an ni a, chhimtu mi 300 vel an awm.

Subject hrang hrangah research paper 103 present a ni a, exhibition neih a ni. Children Science Congress neih a ni bawk a, naupang 119 telin, an thil zirbing bikte sawifiahin an intihsiak a ni.