Hnahlanah Khuado Kût

Zomi Cultural Society chuan October 14, 2016 khan Hnahlanah Khua-do Kût an hmang a, par-liamentary secretary TT Zothansanga'n a hmanpui.

TT Zothansanga chuan, Hnahlan khuain grape-a harsatna an neiha sorkar hmalakna sawiin, Ministry of Agricul-ture and Farmers Welfare hnuaiah Market Intervention Scheme hmangin hmalak a nih dawn thu a sawi a, sum pawh hmuh thuai beisei a nih thu a sawi.

Hnahlan aṭanga Sai-tual pawh tur kawng laih chungchang sawiin TT Zothansanga chuan, NEC priority list-ah Tualcheng-Rabung inkar chu telh a nih thu a sawi a, "Rabung leh Hliappui inkar pawh NLCPR-ah thun a ni dawn," a ti. Champhai North bial chhunga khaw hrang hranga di-inte chu rangvaa thlaksak vek an nih tur thu a sawi bawk.

Khuado Kûtah hnam lám chi hrang hrang leh zaite entir a ni a, Mizoram hmun hrang hrang aṭangin mi ṭhahnem tak an tel a ni.