W.Bunghmunah solar water pump hawng

Environment, Forests & Climate Change minister Lalrinmawia Ralte chuan, October 14, 2016 khan West Bung-hmun khuaah Solar Water Pump a hawng.

Lalrinmawia Ralte chuan, ni zung chakna hmanga West Bunghmun water pump hawn a ni chu lawmawm a tih thu sawiin, khawtlang mipuite chu neitu thinlung púa ṭha taka enkawl turin a chah a; Bunghmun khua chu Dampa Tiger Reserve hnaiha awm an nih avangin, thing leh mau nungchate tamna hmun a nih avangin, khualzin mite hîp thei khawpa humhalh nachang hre tur leh khawtlang huapa Forest Reserve team din tum turin a chah a ni.

Cooperation minister ni bawk Lalrinmawia Ralte chuan Production and Micro Enterprise hnuaia self help group pariat leh mimala thawk ṭha 18 hnenah Rs. 7,33,295 a sem bawk.

West Bunghmun Solar Water Pump hi Pradhan Mantri Krishi Sanchay Yoyana (PMKSY) hnuaiah Rs. 46,97,764 sênga siam a ni a, Zawlnuam BDO chu Project Implementing Agency (PIA) niin, P&V Eastern Engineer, Bawngkawn, Aizawl-in an siam. Khaw awm dan azirin ni khatah tui litre 28,000 - 30,000 pump thei tura ngaih a ni a, West Bunghmun mipui 1,200 vel châwm zo tura ngaih a ni.