World Food Day hman a ni

Nimin khan Agri-cul-ture directorate con-ference hall-ah World Food Day hman a ni a, Agriculture minister R Lalzirliana khuallian a ni.

R Lalzirliana chuan, khawvel hmun dangah chuan World Food Day-ah mipui zirtirna lam hawia hman ṭhin a a nih thu sawiin, "Mihringte hi ei leh in tel loin a nun theih loh a, mi tinin retheihna leh rilṭamna tuar lo se duhthusam a ni. Khawvel mihring awm pakua zela pakhat hi ei tur tlachham nia chhût a ni a, kum tinin naupang tam tak ei tur ṭha hmuh loh vangin an thi ṭhin," a ti.

Agriculture Minister chuan, rilṭàmna chu tihreh theih leh tihziaawm theih a ni tih sawiin, khawvel ram hruaitu kalkhawmte'n kum 2000 aṭanga ṭan an lak nasat avangin kum 15 hnuah chuan ei tur tlâkchham vanga thihna a tlakhniam thu leh, ni tin mi 17,000 chhanchhuah ṭhin ang a nih thu a sawi.

Ei tur tlakchhamnain khawvel a tihlim loh thu leh environment pawhin a chhiat phah thu a sawi a, "Khawvel mihring pung zel leh ei tur dehchhuah dan ṭha leh tlo ngaihtuah a ngai tak zet tawh a ni," a ti.

Agriculture Minister chuan, kumina World Food Day thupui, ‘Cli-mate is changing, food and agriculture must too’ tih a nih angin leilung hausakna te, leilung háng leh tui hman dan te, ran zun leh êk hmang ṭangkai tura a sawngbawl dante hriat chiana hmasawn zawnga kal tum a pawi-mawh thu a sawi bawk.

World Food Day hman-na inkhawm hi Agri-culture additional secretary Lalrammawia'n a kaihhruai a; Dr H Saithantluanga'n thupui a sawi a ni.