KHAWTHLIR

Chawlh puang

Governor Lt. Gen. Nirbhay Sharma chuan, Aizawla Dawrpui Vengthar Local Council bye-election neih ni tur, October 31, 2016, Thawhṭanni chu Dawrpui Vengthar-a vote neite tan vote an thlak theihna turin chawlh (holiday) a nih thu a puang.

Chhuak dawn lo

Kolasib district-a chanchinbu enkawltute chu nimin khan an president hmasa ber K Lal­thlamuana vuina lamah an kal avangin an châwl a, hna thawk loa an chawlh avang leh, an President hlui sûn nan vawiin hian chanchinbu an tichhuak dawn lo.

Heroin man

Central YMA hnuai­a Supply Reduction Service (SRS)-te chuan, October 15, 2016 zan dar 7:45 khan Rangvamual road-a Asenchi lane, Vaivakawn huam chhungah heroin gram 69 an man a; a neitute - Vijay Singh (36) s/o Nanda Singh leh a nupui Ranjita (32), Rangvamuala khawsa mekte an man nghal. Heroin an man hi Rs. 1,50,000 man a ni.

CM Relief Fund

T Romana College Staff Welfare Association chuan, Chief Minister’s Relief Fund atan Rs. 10,000 an chhûng lût.

Bus tlantir

Sikulpuikawn leh Mission Vengthlang inkarah nimin khan mi 24 chuan theihna bus tlan ṭantir a ni a, he nimin zing khan minister Lalsawta'n a thlah liam. Mihring phur tur bus tlântir State Transport Authority phalna anga tih a ni a, STA rate siam anghman a ni.

Computer zirna

Mizoram sorkara Mizoram State Council for Technical Education (MSCTE) chuan, tun hnai khan Mizoram puma computer zirna a pawmte a tichhuak. MSCTE-in mimal computer zirna a pawmte hi a vaiin 28 a ni a; Aizawlah 23, Lung­leiah pahnih, Siaha, Champhai leh Kolasib-ah pakhat ṭheuh a ni.