Champhai dist-ah E.Roll hearing ṭan

Champhai district-a Assembly constituency pangaa Electoral Roll Special Summary Revision kalpui mekah nimin khan hearing neih ṭan a ni a, October 28, 2016 thleng a awh ang.

Electoral roll ennawnnaah hian Champhai North, Champhai South, Lengteng, Tuichang leh East Tuipui-a AERO-te leh mawhphurh tura ruatte'n voter thun luh thar, awmna hmun sawn, hming leh address siamṭhat ngai leh paih tura dilnate polling station tinah an thawk ṭan a; dilna lutte an endik a ni.

Champhai district-a constituency pangaah hian polling station 134 a awm a, voter mi 80,862 awmin, mipa 40,226 leh hmeichhia 40,637 an ni. Champhai North leh Champhai South bialah mipa aiin hmeichhia voter an tam zawk a; Lengteng, Tuichang leh East Tuipui bialah mipa an tam zawk thung.