NLUP-ah mi 1,32,071 ṭanpuina pe tawh

Congress party chuan thuchhuah siamin, kum 2009 aṭanga kum 2016 inkara Mizoramin hma a sawnnate an tarlang a; Mizoram sorkar flagship programme NLUP hnuai-ah chhungkaw 1,32,071 ṭanpuina pek a nih tawh thu an sawi.

MPCC thuchhuah chuan, Mizorama NLUP hmanga ṭanpuina pek tawh zat chu kum 2011 chhiar-puia Mizorama chhung-kaw awm zat 2,22,079
aṭangin 59.47% an nih thu a tarlang a, "Chhungkaw pakhat zelah mi panga zel awm anga hrût rualin, Mizoram mihring 6,60,355-in NLUP an dawng tihna a ni. Kum 2011-a chhiar-puia mihring awm zat 1,091,014 aṭangin Mizo-ram mihring 60.52%-in NLUP an dawng tihna a ni," a ti. Mizoram mihring
1,091,014 zinga mi 6,60,355-in NLUP an dawng tawh a, a dawng lo chu mi 4,30,679 vel niin a tarlang.

NLUP vangin Mizoram per capita income (mihring pakhat zelin sum a lak luh) chu kum 2009-2011 chhungin nasa takin a pung nia sawiin, MPCC chuan, "Kum 2008-a Mizoram per capita income Rs. 38,582 a ni a, kum 2009-ah Rs. 52,715-ah a pung a, kum 2015-ah chuan Rs. 97,780 ni tura chhût a ni," an ti. Chutih laiin, India ram puma mi pakhat kum khat sum lak luh chu Rs. 93,296 ni tura chhût a nih thu leh Mizoram per capita income tura chhût chu national average aia a san thu an sawi.

Congress party chuan, NLUP vangin kohhran thawhlawm pawh a pung nia sawiin, "Kum 2008-ah Synod-a thawhlawm lut zawng zawng cheng vbc. 50.42 a ni a, kum 2009-ah vbc. 60.05-ah a pung a, kum 2010-ah vbc. 72.30 niin, kum 2015-ah chuan vbc. 164.58 a tling," an ti.

MPCC tarlan dan-in, Baptist kohhran thawh-lawm chu kum 2008-ah cheng vbc. 11.82 a ni a, kum 2009-ah vbc. 13.44 a ni. Kum 2010-ah vbc. 17.41-ah a pung a, kum 2015-ah chuan vbc. 40 a lo tling a ni.