Lunglei doctor chungchang minister sawipui
MZP headquarters, Lunglei hruaitute chuan nimin khan Health minister Lal Thanzara an hmu a, Lunglei Civil Hospital-a thawk doctor sawn chhuah tum chungchang an sawipui. J Buana College-a Commerce zirna hawn an dil mek chung-changah Higher & Technical Education minnister R Romawia an hmu bawk.
Lunglei MZP hruaitute hian Health Minister chu Lunglei Civil Hospital-a endoscopy enkawltu Dr Thaizii, June 1, 2016-a Lawngtlaia sawn a nih hnuah a aiawhtu dah a la a nih loh vangin Lunglei mipuiin harsatna an tawk nia sawiin, an aiawh tur dah Dr Lalremruata chu September 26-ah sawn chhuah leh a nih thu an sawi.
September 30-a Dr B Lalhriatpuia (AYUSH), Bunghmuna sawn chung-chang an sawipui a; blood component separator chung-chang an thlen bawk.
Lunglei MZP thu thlenah hian Health Minister chuan ram pum huapa doctor indaih lohna a nasat thu a lo hrilh a; a theih ang anga hmalak a nih tur thu a sawi.