Chhiatna hmachhawn dan officer-te zirtir

National Disaster Response Force (NDRF) 1st. Battalion-a 'E' company chuan nimin khan Serchhip DC Conference Hall-ah Serchhipa sorkar office-a hotu lute tan chhiatna thlen thulha hriat tur pawimawhte an zirtir.

Serchhip additional DC VL Rem-liana chuan, Serchhip mipui hmuh phak leh tel theih tura inzirtirna kalpui duh viau mah se, remchan lohna a awm avangin sorkar office hotu lute puala buatsaih rih a nih thu a sawi a, "Inzirtirna a tam thei ang ber nei tura hmalak zel a ni ang," a ti.

Officer-te chu an hnuaia mite hrilh chhawng thei tur leh mipui zirtirtu ni thei tura inbuatsaih tur te, thil ṭul apiang hriat chian vek tum turtein a chah a; kumin tawp lamah NDRF bultumin Serchhipah mock drill buatsaih a nih tur thu a sawi.

Training-ah hian NDRF inspector RK Arhson-a'n chhiatna thlen hma, a thlen lai leh a thlen hnua tih turte a sawi a; NDRF hnathawh dante a sawi bawk.

RK Arhson chuan, Mizoram leh hmar-chhak state dangte chu lirnghing lian tham thleng thut reng thei a nih avang-in nasa zawka chhiatna laka inven dan zirna kalpui zel a pawimawh thu a sawi.