Zotheihuan siam turin inremna ziak

Ramngaw, tuihna leh nungcha humhalh kawnga hma latu pawl, Mizoram Environment & Forests Consultative Forum (MEFCOF) leh Ṭhiak khawtlang hruaitute chuan Pathianni khan Ṭhiak Community Hall-ah Ṭhiak ram chhunga Zotheihuan siam turin thuthlung an ziak.

Zotheihuan siam tura inremna thu-thlungah hian MEFCOF aiawhin president VL Bela'n a hming a ziak a, Ṭhiak khawtlang aiawhin VC President, MUP President, MHIP President leh YMA President-te'n an hming an ziak a ni..

Zotheihuan hi ram-ngaw leh nungcha humhalhna tur leh tuihna tihpunna tura ram humhalhna hmanrua a ni a; MEFCOF kaihhruaina in Mizorama khaw 98-ah Zotheihuan din a ni tawh. Mizoram sorkar duh dan angin, Mizorama khua zawng zawngah Zotheihuan din tum a ni.