Food Security huam chin tur mi nuai 7.06

Chandigarh-a ni hnih awh Regional Editor Conference chu nimin khan a tiak a; conference-ah hian Mizoramah Food Security Act (FSA)-in a huam tur chin thun luh loh an tum thu tarlan a ni. Conference-a tarlan danin, FSA hian Mizo-ramah mi nuai 7.06 a huam tur a ni a, tun dinhmunah mi nuai 6.68 chiah a la huam. Thla tin FSA hnuaiah hian Mizoram chuan buhfai ton 5.48 a dawng ṭhin.

Conference-a thu sawitu, Road Transport and Shipping minister Nitin Gadakari chuan Vanglaini palai zawhna chhangin, national high-way siamtu contractor tur chu dik taka an thlan ṭhin thu a sawi.

Nitin Gadakari chuan, national highway siamtu contractor tur chu e-tender hmanga an zawn ṭhin thu a sawi a, "Engkim langtlang vekin kan ti a, dik lo a awm ngai lo. Tumah inrawlh theih a ni lo. Inkalpawhna lama hmarchhak hmasawnna tur ka ngai pawimawh tak zet a ni," a ti.

Union Minister chuan, national highway ni si, thlawhtheihna ṭum theih nghalna tur an zawn thu sawiin, "A bik takin Rajasthan leh hmarchhak state lamah kan zir chiang mek," a ti a; an zir chianna state a sawi zingah Mizoram a tel lo.

Conference tawp ní hian Farmers and Agri-culture Welfare minister Radha Mohan Singh leh Consumer Affairs, Food and Public Distribution minister Ram Vilas Paswan-te pawhin an department hnuaia hmalakna hrang hrang an sawi a ni.