Kolasib-ah Bru lâk lêt dan tur sawiho

Mizoram aṭanga Bru raltlante lâk lêt vawi riatna, 8th. Batch of Reang (Bru) Repatriation, November 1, 2016-a ṭan tura hmalak dan turte sawihoin nimin khan Kolasib District Level Core Committee chu an chairman H Laleng-mawia, Kolasib DC hoin a pisaah an ṭhukhawm.

Meeting-ah hian Aizawl aṭangin Home department-a OSD David H Lalthangliana a tel.

State Level Core Com-mittee-in ruahmanna a siam ang chuan, Mizo-ram mi Bru, Tripura tran-sit camp-a awm mekte lak let hna thawh riatna chu November 1, 2016-ah
ṭan tur a ni.

Mizoram Bru lak let tur zinga Kolasib district-a dah tura beisei zat chu chhungkaw 628 an ni a; khaw pariat - Bairabi, North Thinglian, Dîlzau, Zodin (Rastali), Meidum, Pângbâlkawn, Bûkvannei leh South Chhimluangahte dah tum an ni.

Saikhawthlìr leh Rengtekâwnah an chawlh lailawkna siam tura rua-hman a ni.