KHAWTHLIR

Lengpuiin humhalh

Lengpui Branch YMA chuan, lui sanga inthlahpun lai a nih avangin an khaw lui pakhat Lunghmul luiah lui kal an khap a, sangha fuan ven an khap bawk. Lengpui YMA hi kum 2017-a YMA General Conference thlen ngei tumin an inbuatsaih bawk a ni.

Thisen pe

Aizawl North College chuan nimin khan an college-ah blood donation camp an huaihawt a, Aizawl Civil Hospital tan thisen unit 160 an pe a, a petute mipa 136 leh hmeichhia 24 an ni.

IOC lo zin dawn

Indian Oil Corporation (IOC) Executive Director leh hotu dangte chuan vawiin hian Aizawl an rawn tlawh dawn. IOC hotute hian Mizorama gas harsatna an enfiah dawn bakah, vawiin tlai hian Chief Secretary conference hall-ah Supply department hotu te, Central YMA leh Mizoram Consumers Union hruaitute leh, gas distributor-te nen gas harsatna sutkian dan tur an sawiho ang.