Kawng chhia vangin tlân loh rêl

Lawngtlai District Commercial Vehicles Joint Action Committee (LDCVJAC) chu nimin zing khan lawngtlai bazar-a Merchant Office-ah an ṭhu-
khawm a; Lawngtlai aṭangakhawthlang lam kawng a chhiat avangin motor tlantir loh an rêl.

 Meeting hi an pawl chairman H Remmawia'n a kaihruai a; Lawngtlai aṭanga khawthlang lam, Parva leh khaw dangte panna kawngpui chu a chhiat thu sawiin, kum 2014 aṭangin siamṭhat loha a awm tawh thu an sawi a; kawng enkawltu BRTF (71 RCC) hnenah vawi tam tak an thlen tawh bakah, Lawngtlai DC hnenah pawh an thlen tawh niin an sawi.

Kawngpui chu siam ṭhat mai a nih loh avang-in November 1, 2016
aṭangin eizawnna atana hman taxi, maxicab, auto-rickshaw, pickup leh motor lian chi zawng zawng tlan loh ni se an ti a ni. Lawngtlai District Truck Owners & Drivers Association pawhin Lawngtlai aṭanga khawthlang lam kawngah hian October 2016 aṭangin buhfai an phur duh lo tawh bawk.