EFCC deptt-in an hnathawhte an thlirlet

Environment, Forests & Climate Change (EFCC) department chuan, nimin khan PCCF of-fice conference hall-ah Quar-ter-ly Review Meeting an nei a, an minister Lalrinmawia Ralte-in a hmanpui.

EFCC Minister chuan, Forest officer kalkhawm-te chu an hnaah ṭha-hnemngai taka thawk a, department din chhan leh thil tumah chiang chunga thâ thlah loa thawkho zel turin a fuih a, "Nungcha humhalh kawngah mipui rilru put-hmang pawh a changkan viau tawh rualin, sorkar dan zâwm loa ramngaw tichereu leh ramsa tihlum an la awm zel hi a pawi hle a, heng mite hi dan ang taka hrem tur an ni," a ti.

Lalrinmawia Ralte chuan, Dampa Tiger Reserve tihzauh nana Ser-hmun khua sawn chhuah tumnaah uluk taka hmalak mek a nih thu sawiin, Kawrthah Division huam chhunga ABCI-in KTZKT Road an laih mek chu danin a phût anga forest clearance lak hmasak a nih loh avangin Forest department-in stay order a pek thu a sawi a; kawng laih zawm thuai a nih theih nan sorkar department-te leh agency-te chu ṭan la tura a duh thu a sawi bawk.

Review Meeting-ah hian EFCC department-a scheme hrang hrang - CAMPA, Project Tiger, Integrated Development of Wildlife Habitat, Na-tional Agro Forestry and Bamboo Mission, National Afforestation Programme, Intensification of Forest Management Scheme, JICA Project, Green India Mission, Climate Change leh Court Case chung-changte sawiho a ni.

Mizorama Saw Mill Regulation chungchang te, mimal leh sorkar rama ramhmul damdawi te, anchiri leh hmunphiahte chu awmze nei taka chhin-chhiah a ṭul thu an sawi a; mimal thing phun (private tree plantation) zawng zawng chu bialtu DFO hnen-ah hriattir vek a nih tur thu tarlan a ni bawk.