Gas tichingpentua puhte Bail dilna hnâwl a ni

Eirawngbawlna gas bûr khawih chingpen ṭhina puh driver pahnih - Rothlengsanga leh R Sangluaia ten Court-a anticipatory bail an dilna chu Aizawl Additional Sessions judge, Vanlalen­mawia'n a hnâwl a; an pahnih hian man nghal turin police-te a hriattir.

Sairang police hotute aṭanga thu dawn danin, Central YMA leh police ṭangkawpin September 29, 2016-a Mualkhang leh a chhehvela beih­pui an thlakah, TH Ngamzapauva, Mualkhang hnen aṭangin domestic gas bûr 10 leh commercial cylinder bûr 11 an man a; TH Ngamzapauva pawh an man nghal.

Police hnena TH Ngam­­zapauva inpuanna aṭangin gas bûrte chu a phurtu driver-te aṭangin a lei chhâwng ṭhin a; gas bûr a leisak tawh zinga mi driverSiamthanga chu police-in an man tawh a, mi dang pahnih - Rothlengsanga s/o Ram­zauva leh R Sangluaia s/o R Biaka, Seling ve vete chuan Court-ah anticipatory bail an dil a ni.

Bail dilna hi Aizawl Additional Sessions judge Vanlalenmawia'n a ngaih­tuah a; an ukil leh sorkar ukilte thu a ngaih­thlak hnuah, thubuai chu chak zawka chhui a nih theih nan anticipatory bail an dilna chu a hnâwl ta a ni.