Lungsenah bandh huaihawt tum

Lungsen khuaa V/C-te leh pawl hrang hrangte chuan Lunglei aṭanga an khaw panna kawngpui chhe lutuk vangin Octo-ber 21, Zirtawpni hian an khuaah total bandh huaihawt an tum.

Lungsen Vehicle Owners Association bul-tumin Lungsen khuaa V/C I leh II leh tlawmngai pawl hrang hrangte chu Lungsen V/C House-ah October 18 zan khan an ṭhukhawm a; Lunglei
aṭanga an khaw kawng, National Highway 302 chhe lutuk chungchang an sawiho.

Pawl hrang hrangte chuan, an khaw kawng, hun rei tak ngaihthah a ni chu hriatthiam harsa an tih thu leh khawthlang mipui harsatnain sorkar ngéng a chhun lo lutuk chu pawi an tih thu an sawi a; sorkar laka lungawi loh lantir nan naktuk Zirtawpni hian total bandh huaihawt an rél a ni.

Lungawi lohna lantir chhunzawm nan October 22, Inrinni zing aṭangin lirthei tlantir loh an rél bawk a; sorkar aṭanga thu lawmawm an hmuh lo zel chuan na zawka hmalak zel an tum thu an tarlang bawk.