Chawngte kawng siam mek

Lunglei aṭanga Chawngte panna kawng, lirthei kal theih loh khawpa chhia nia sawi chu Chhumkhum leh Chawngte inkara World Bank hnuaia kawng siamtu, JKM Infra Project Ltd.-in ngawrh takin an thawm ṭha mek.

Kawng laih hna enkawltu, Project Imple-mentation Unit hotute aṭanga thu dawn danin, Chawngte Area Joint Action Commitee phût angin, Lunglei-Chawngte kawnga diak lai leh khuar laite chu tun hnai aṭang khan thawm ṭhat a ni a; hei vang hian kawng dangtu, Chawngte Area JAC pawhin an kawng dan chu October 18 aṭang khan an chawlhsan rih.

Chawngte Area JAC-te hian kawng dinhmun chu Inrinni hian a hmunah an enfiah dawn a, ṭha tâwka an hriat chuan kawng dan chu an chawlhsan hlen dawn a ni.

Chhûmkhûm leh Chawngte inkar km. 41.5-a thui hi JKM Infra Project chuan December 2014 aṭangin an siam
ṭan a, tunah hian kawng laih hna chu 38% vel an zo tawh. Hna pumpui atan cheng vbc. 245.56 ruahman a ni.

Chawngte lama buhfai phur truck an tlân loh avangin Chawngte leh a chhehvelah buhfai a harsa tawh hle a, buhfai nei lo zual kudama sem turin Supply department hotute chuan quintal 200 vel a awm niin an sawi. Buhfai an tlakchham avang hian Tuichawng
aṭangin meilawng hmangin buhfai lâk a ni a; mahse, tui a kàm tawh avangin lawng hmanga buhfai lak pawh a harsa tawh niin an sawi.