MHIP Special Assembly

Mizo Hmeichhe Insuihkhawm Pawl (MHIP) chuan nimin khan Vanapa Hall-ah Special Assembly an hmang a, president Lalthlamuani'n a kaihruai. Special Assembly an neih chhan hi MHIP inkaihhruaina dan siam ṭhat ngai a awm vang niin an sawi.

MHIP Special Assembly-ah hian MHIP Dan Bu bung khatnaa 'MHIP member chu hetiang mi hi a ni tur a ni' tiha no. 1-ah, 'Pathian ṭih mi' tih belh ni se, an ti. Membership fee kum khat atana Rs. 2 chu Rs. 5-ah tihsan ni se, an ti a; life member ni tura Rs. 200 an lak ṭhin pawh Rs. 500-ah tihsan ni se, an ti.

Heng bakah hian, hruaitu hun chhung te, conference hun chhung te, rorel palai vote neih dan tur te, sum chungchang te, MHIP thubuai ngaih-tuah dan tur te, nihna chawlhsan chungchang leh coordination committee chungchangte an rel bawk.