Aizawl Court bulah pungkhawm

B Malsawmdawngliana, Venghlui, Aizawl thihnaa inhnamhnawiha puh, Tlanghmingmawia (19), East Lungdar leh Vanlalhruaia (24), Champhai Tlangsam-te chu nimin khan Aizawl District Court-ah hruai an ni a; hremna na thei ang ber pek phûtin Court bulah mi
ṭhenkhat an pungkhawm.

Tualthattua puh mi pahnihte Court-a hruai an nih lai hian Malsawmdawng-liana chhungte leh Venghlui mi ṭhenkhat chu Court bulah an pungkhawm a, a na thei ang bera hrem an phûtna thu chi hrang hrang an tarlang.

September 25, 2016 khan B Mal-sawm-dawngliana chu an in pana a haw lam Venghlui tuikhur bulah zan dar 8:40 velah sawisak a ni a, September 27, 2016 zing dar 1:45-ah a hliam tuar loin a thi a ni. Malsawmdawngliana kut thlaktute hi Tlanghmingmawia leh Vanlalhruaia te nia hriat an ni a, man an ni.