Ruihhlo vangin Mizo pali zawng mek

Supreme Court thupek chhuah angin, ruih-hlo kaihhnawiha inhnam--hnawih nia hriat Mizo pali, state páwna awm mekte zawn kawng-ah Mizo-ram police-te pawh-in hma an la mek a, hma-sawn-na erawh a awm rih lo.

Thu dawn danin, Supreme Court chuan ruihhlo kaihhnawiha thubuai nei Mizo pali chu man an nih theih nana ṭan la turin thupek a chhuah a, chu chu Mizoram police hotute hnenah pawh hriattir a ni.

DGP hriattirnaa a lan danin, Narcotics Control Bureau hnuaia thubuai nei lai, Supreme Court-in an chungthu ngaihtuah tura a zawn mekte chu - Remruatsangi (29) d/o Lal-rinmuana, Ramhlun South; Lalremruati (33) d/o Lalrampara, Saron Veng, Aizawl; Lalrintluangi (29) d/o Vanlalhma-ngaiha, Electric Veng, Aizawl leh, Lalramzauva (36) s/o Lal-thiang-hlima, Ram-hlun South, Aizawlte an ni.

Mi palite address nia tarlan hi an awmna nia an sawi a ni a, ṭhenkhat hi chu an awmna veng nia sawiah hian an awm lohna a rei deuh tawh. Tuna an awmna hriat a nih loh avangin an awmna hria emaw, anmahni hria emawte chu SP emaw, police station/outpost emaw hnai berah hriattir tura ngan an ni.

Mizoram police hotute chuan, mi palite chu an awmna hriat tumin an bawhzui reng a, mahse, tunah chuan an awmna an la hre lo a, an chhuinaah hmasawnna sawi tham an la nei lo tih an sawi a; Mizoram police-a unit hrang hrangte bakah, Excise & Narcotics department lam pawhin an bawhzui mek tih an sawi bawk.