Jail táng tlán chhuak man

Rûkrûk vanga Lunglei District Jail-a táng mek, LH Malsawmtluanga leh Lianthanga, Sethlun, Lunglei ve vete chu October 17, 2016 tlai khan jail aṭangin an tlanbo a, October 18 zan khan man an ni leh nghal nia thu dawn a ni.

Thu dawn danin, LH Malsawmtluanga leh Lian-thanga te hi jail-ah pindan pakhata awm dun an ni a, zanriah ei buai lai chu remchangah hmangin jail luhkapui (main gate) aṭangin an tlan chhuak a, tlai dar 4 vela roll call
aṭangin an tlanbo tih hriat chhuah a ni. Jail awmna chhehvel, Hauruang leh Vanhne-ahte zawn nghal a ni a, Thawhlehni zan dar 11 velah Huangruangah man an ni.