KHAWTHLIR

Thisen pe

Blessino Nursing School chuan International Nurses Day pualin nimin khan Civil Hospital, Aizawl-ah thisen unit 51 an pe a, petute hmeichhia 37 leh mipa 16 an ni.

Mamitah JJM 100%

Mamit District Committee on District Water & Sanitation Mission chu district bawrhsap K Laltlawmlova kaihhruaiin nimin khan an ṭhukhawm a; Mamit district chu Jal Jeevan Mission (JJM) hnuaiah 100% coverage a nih tawh thu tarlan a ni. K Laltlawmlova chuan, kalkhawmte chu hmasawn theih dan ngaihtuaha a kawhhmuhtu nih tum zel turin a chah.

Kawng enfiah

Assembly deputy speaker Lalfamkima, Kolasib bialtu MLA chuan nimin zing khan Kolasib Electric Venga Fire Station leh PHE hmunhma bula kângṭhelh motor-te'n kawngpui zîm leh kawi ulh lutuk vanga harsatna an tawh ṭhinna hmun a enfiah. Sorkar hotute leh khawtlang hruaitute nen hmalak an tur an sawiho a; kawngpui awm sa tlema siam danglam leh department ram ṭhenkhat lak hêk ngaite department hotu liante hnenah thlen ni se, an ti.

DC hoin thukhawm

Serchhip District Monitoring and Implementing Committee on Centrally Sponsored project (DLMIC) hotute nimina ṭhukhawm chuan, Multipurpose Primary Agricultural Credit Societies (MPACS) computerization-a hlan kai turin Khawbel MPACS, East Lungdar Farming CS leh Chhuanthar Tlangnuam Carpentry Industrial CS te an thlang. Ṭhutkhawm hi chairman Paul L Khuma, bawrhsapin a kaihruai a ni.

Hmalakna thlirho

Kolasib District Consultative Committee chuan nimin khan chairman Robert C Lalhmangaiha, bawrhsap hoin District Level Review Committee an nei a, January-March, 2025 chhunga Kolasib district-a bank-te hmalakna leh hmalak zel dan turte an sawiho. Kolasib District 'Annual Credit Plan 2025-2026' tlangzarh nghal a ni.