India ram venhim hna thawktute zahna lantirna atan kawng zawh

BJP, Mizoram chuan India ram venhim hna thawktute zahna leh thlâwpna lantirna atan nimin khan 'Citizen for National Security' 'Operation Sindoor' tih hming vuahin Aizawlah kawngzawh an huaihawt a; Treasury Square-a War Memorial a?anga Vanapa Hall kawt thleng kein an kal.

Vanapa Hall kawta inkhawm buatsaihah Mizoram BJP president Vanlalhmuaka chuan, India ram venhimna hna thawktute zahna lantir nan nimin khan India ram khawpui hrang hrangah kawngzawh huaihawt a nih thu leh Mizoramah pawh hun chêp tak karah buatsaih a nih thu a sawi.

Vanlalhmuaka chuan, rál hmatawnga awm India sipaite leh Mizo tlangvalte zahna chibai an bûk tih sawiin, "Mizoram kohhran hrang hrangte leh Mizo mipuite'n kan lo ?awng?aipui reng che u a ni tih in lo hriat ngei kan duh," a ti.

Pahalgam, India ram hmun nuam taka chawlh hmanga khualzinte chu Jammu & Kashmir-a Pakistan thlâwp mi firfiakte'n an páwngkah vanga nunna hlu tak tak eng emaw zat chàn a ni chu pawi an a, an chhungte an tawrhpui tak zet thu sawiin Vanlalhmuaka chuan, "India ram chuan firfiakte leh firfiak thlawptute ramte a en liam mai mai lo a, mit a siai khum ve dawn lo," a ti a; India-in mi firfiakte nuai chimih a tum thu a sawi.

Mizoram BJP President chuan, indona rál hma­tawngah Mizo tlangval eng emaw zat an awm thu sawiin, "Kan ram tan mutmu tuah hleithei lo leh thih huamin râl an do a ni. Kan ram pasal?hate hian zah an phû tak meuh a, vawiinah hian an hnungah India ram mipui kan awm a ni tih entir nan kawng zawh a ni. Kan ram pasal?hate tan hian kan ?awng?ai reng a ni," a ti.

Kawng zawhnaah hian ex-servicemen leh sipai chhungte an tel.