HSSLC exam dan tur ruahman Siaha DC-in exam a remti lo

MBSE chuan hriattirna tichhuakin, Higher Secondary School Leaving Certificate (HSSLC) Examination 2020 chawlhsan lailawk  chu April 22-24-a chhunzawm tura tih a ni a; hetih lai hian, Siaha DC chuan MHA thuchhuak vangin Siaha district-ah exam theih a nih dawn loh thu MBSE a hriattir.

MBSE ruahman dan chuan, zirna hmun chhuahsana mahni khaw lama haw tawh, mahni exam centre pan tura harsatna nei tan exam an duhna centre superintendent hnenah inhriattir theih a ni. Siaha DC Bhupesh Chau  dhary chuan April 15 khan MBSE Controller of Examination lehkha thawnin, Siahaa HSSLC examination buatsaih tum chu Ministry of Home Affairs (MHA) thupek kalh a nih avangin a rem loh thu a tarlang a, "HSSLC exam buatsaih tum hian MHA thupek a kalh a ni," a ti. MBSE ruahmanna leh Siaha DC thu inkalh chungchangah hian School Education secretary Esther Lalruat kimi chuan Vanglaini zawh na chhangin, "Naktuk (Zirtawpni) lamah thu chiang zawk a awm mai ang," a ti a; HSSLC exam chhunzawm chu Cabinet duh dan leh State Level Task Force remtihnaa buatsaih tur a nih thu a sawi. Tarlan tawh angin, inkhārkhip puan a nih avangin HSSLC Examination kalpui chhunzawm theih a ni lo a, zirlai tam zawkin exam an zawh tawh laiin, zo hman lo 4,700 vel an awm a, subject khat la hmabakte an ni.

EXAM CENTRE BIAK THEIHNA

Lunglei HSS - 9436391726

Tlabung H/S - 9436963978

Siaha HSS - 8731003942

GM HSS, Champhai - 8974406516

Serchhip HSS - 8132064639

Region HSS, Lawngtlai - 8258926642

Mamit HSS - 9436383647

KR H/S, Zawlnuam - 9612586653

Hnahthial HSS - 8414014421

Khawzawl HSS - 9383009412

Kawlkulh H/S - 9612442116

Saitual HSS - 8974962870

Ngopa H/S - 8414902059

Vairengte H/S - 9612163542

John's HSS, Kolasib - 9706811613

Darlawn H/S - 9612121213

Ratu H/S - 9612507874

Zohmun H/S - 8014160400