Chhim thlang lamah maxicab-te la tlân lo

Mizoram chhim thlang lam, Tlabung leh a chhehvel khaw hrang hranga tlan maxicab-te'n Lunglei aṭanga an khaw panna kawng chhia vanga October 19, 2016 aṭanga an tlân loh chu an la chhunzawm zel a, vawiinah pawh an la tlân dawn lo.

Kawng chhia vang hian Tlabung leh a chhehvel leh Lunglei inkara tlân maxicab-te bakah, Aizawl leh Silchar lama tlân ṭhinte pawh an chàwl vek a; Tlabung leh Chawngte inkara maxicab service pawh kawng chhiat vang thoin hun eng emaw chen kal ta aṭang khan an ding tawh a ni.

Tlabung leh a chhehvela tlan maxicab ding hi 21 an ni a; Tlabung leh Lunglei inkar hi km. 97 niin, kawng chhiat vangin darkar 8-9 an tlân tlangpui a ni.