Lungsenah total bandh huaihawt

Lunglei district chhung Lungsen khuaa lirthei neitu pawl, Lungsen Vehicles Owners' Association (LCOA) chuan Lunglei aṭanga an khua leh khawtlang lam panna kawng a chhiat vanga lungawi loh lantir nan nimin khan total bandh an huaihawt.

Total bandh hi zing dar 6-ah ṭan niin, nileng awh a ni a, buaina leh harsatna lian tham a chhuak lo.

Khaw luhna kawngpui leh khaw chhung hmun ṭhenkhatah duty an indah a, lirthei tlan tlang turte an dan bakah, an khuaah lirthei tlân a awm lo. Bandh hi Lungsena pawl hrang hrangin an thlâwp a ni.

LCOA chuan an lungawi lohna tihlan nana bandh an huaihawtin awmzia a neih loh chuan, vawiin aṭangin an khaw paltlang tur lirthei zawng zawng tiamchin awm loa dan an tum bawk.

LVOA leh anmahni thlawptute chuan resolution an siam a; an hmalaknain awm-zia a neih loh chuan na zawka nawr zel an tum thu te, sorkarin NH-302 a ngaihsak an phût thu te, truck-te'n kawng chhiat vanga buhfai an phurh tawh loh vanga an harsatna sukiang tura sorkar an phût thute an tarlang.